Parij chiqindichilari kasaba uyushmasi shahar meriyasini XXXIII Olimpiya va Paralimpiya o‘yinlari vaqtida bo‘lishi mumkin bo‘lgan ish tashlashlar haqida ma’lum qildi. Tegishli bayonot kasaba uyushma saytida e’lon qilindi. Bu haqda “Mir24” xabar berdi.
Qayd etilishicha, ish tashlashlar 14-16-may, 22-24-may va 1-iyuldan 8-sentyabrgacha bo‘lib o‘tishi mumkin. Kasaba uyushmasi meriyadan ish haqini 400 yevroga oshirishni va 1,9 ming yevro miqdorida Olimpiya mukofoti to‘lashni talab qilgan. Fransiyadagi Olimpiada 26-iyuldan 11-avgustgacha, Paralimpiya o‘yinlari esa 28-avgustdan 8-sentyabrgacha bo‘lib o‘tadi.
O‘tgan yili Parijdagi chiqindichilar hukumatning pensiya islohotiga qarshi norozilik bildirishgan. Ular ko‘chalarni tozalamagan, shuning uchun 10 ming tonna chiqindi to‘plangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!