Turkiya Isroil bilan barcha savdo aloqalarini to‘xtatdi, payshanba kunidan boshlab barcha import va eksport to‘xtatildi, deya xabar beradi Bloomberg agentligi ikki turk amaldoriga tayanib.
“Turkiya payshanba kunidan boshlab Isroilga barcha eksport va importni to‘xtatdi”, – deyiladi agentlik bayonotida. Ta’kidlanishicha, Turkiya bu qarorni hali rasman e’lon qilmagan. Agentlik xabarida qaror haqida boshqa tafsilotlar berilmagan.
Aprel oyida Turkiya prezidenti Rajab Toyyib Erdo‘g‘an Anqara endi Isroil bilan kuchli savdo aloqalarini o‘rnatmasligini aytdi.
Avvalroq, Turkiya TIV rahbari Xakan Fidan G‘azo sektoridagi harakatlari tufayli Isroilga qarshi sanksiyalar majmuasini e’lon qilgan edi. Isroil gumanitar yordamni yetkazib berishni ta'minlamaguncha va sulh e’lon qilgunga qadar sanksiyalar qo‘llaniladi. Turkiya savdo vazirligi tomonidan e’lon qilingan press-relizda eksport cheklangan 54 ta tovar guruhi aniqlangan. Ular orasida aviatsiya yoqilg‘isi, motor va mineral moylar, sement, turli xil mashinalar mavjud. Keyinchalik Turkiya prezidenti ma'muriyati Anqaraning Isroil harbiy samolyotlariga yoqilg‘i yetkazib berayotgani haqidagi xabarlarni rad etib, uning fuqaro aviatsiyasi uchun mo‘ljallanganligini tushuntirgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!