18°
Kechasi 12°
O‘zbek to‘ylarining an’anasiga aylangan kelin salom marosimi hozirgi kunda dabdabaga boy tarzda o‘tkaziladi. Odatda to‘ydan keyingi tongda kuyovning ota-onasi, yaqinlari va qarindoshlari hamda barcha mehmonlarga salom berish odatida taraflarning sovg‘a almashish udumi ham joy olgan.
Bu ishlarni hozirda taniqli san’atkorlar, teatr aktrisalari maromiga yetkazib amalga oshirishmoqda. Daryo.uz nashri aynan mana shu xizmatni ko‘rsatuvchi shou-biznes vakillarining gonorarlarini yaxlit reyting holatiga keltirib chop etdi.
Mahfuza Bobotillayeva
O‘zbek milliy akademik drama teatri aktrisasi Mahfuza Bobotillayeva kelin salom marosimini o‘tkazish uchun 200 dollar so‘raydi.
Xosiyat Husanova
Yana bir el ardog‘idagi aktrisa Xosiyat Husanova ham bugungi kunda kelin salom o‘tkazishda faol. Uning gonorari esa 250 dollarni tashkil etadi.
Mehri Bekjonova
O‘zbekiston xalq artisti Mehri Bekjonova ham ushbu tadbirni o‘tkazish uchun 250 dollar so‘raydi.
Muqaddas Xoliqova
O‘zbek milliy akademik teatri aktrisasi, kinofilmlardagi turli obrazlari bilan muxlislar mehrini qozongan O‘zbekiston xalq artisti Muqaddas Xoliqovaning kelin salom o‘tkazib berish narxi 300 dollar qilib belgilangan.
Ra’no Yarasheva
O‘zbekistonda xizmat ko‘rsatgan artist Ra’no Yarasheva ham hamkasbi Muqaddas Xoliqova kabi kelin salomga 300 dollar evaziga chiqadi.
Munojat Alimboyeva
O‘zbek kinosining “Jaydari kelin”i, iste’dodli aktrisa va xonanda Munojat Alimboyeva kelin salom o‘tkazgani uchun 350 dollar gonorar oladi.
Vazira Yunusova
O‘zbek milliy akademik drama teatri aktrisasi Vazira Yunusova kelin salomlarga 350 dollarga chiqadi.
Zuhra Soliyeva
Oshqozon kichraytirish amaliyotidan so‘ng tanib bo‘lmas darajada ozgan aktrisa Zuhra Soliyeva kelin salom o‘tkazish uchun 400 dollar so‘raydi.
Saida Rametova
O‘zbekiston xalq artisti Saida Rametova 400 dollar evaziga kelin salom marosimini esda qolarli tarzda o‘tkazib beradi.
Shahlo Zoirova
“Bravo” kulgi jamoasining sobiq a’zosi, aktrisa Shahlo Zoirova reytingimizning birinchi o‘rnini zabt etdi. Uning kelin salom o‘tkazishi uchun belgilangan narx – 550 dollar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
